یاریگا –
جیا لەو هەوڵانەی سعودیەکان گرتوویانەتە بەر بۆ قایلکردنی دیارترین ئەستێرەکانی ئەوروپا بەتایبەت ئەوانەی کە ساڵانێکە ئەزموون و ناوبانگیان هەیە، ئەم جارە لە پێشهاتێکی نوێدا چەند نێوەندگیرێک کە وەک بریکار هەژمار دەکرێن، ئەستێرەیەکی چێڵسیان پێشکەش بە چەند یانەیەکی وڵاتەکەی کەنداو کردووە.
بەپێی زانیارییەکانی پێگەی HITC Footbaalی ئینگلیزی، نێوەندگیر لەلایەنی ڕەحیم ستەرلینگەوە ڕاسپێردراون بۆ قسەکردن لە بارەی ئەنجامدانی گرێبەست لەم هاوینەی دێت لەنێوان یاریزانەکە و یانەکانی خولی سعودی.
Chelsea winger Raheem Sterling has been offered to a number of Saudi Pro League sides, HITC understands.
from @GraemeBailey with @Amir_R_Mir https://t.co/jtyx3372yh
— HITC Football (@HITCfootball) February 28, 2024
یاریزانە ئینگلیزیەکە لە ساڵی ٢٠٢٢ لە مان سیتیەوە ڕووی کردە بلووز. ئەگەرچی ماوەیەک ئاستی پیشان دا، بەڵام وردە وردە لەگەڵ ئەنجامە خراپەکانی یانە لەندەنیەکەدا تواناکانی دیار نەمان و لە ئێستاشدا یەکێک نییە لە پایە گرنگەکانی داهاتووی چێڵسی. خودی خۆیشی پەلەی نییە لە ڕۆیشتن بەوپێیەی گرێبەستێکی درێژخایەنی لەگەڵ یانەکەیدا هەیە تا ساڵی ٢٠٢٧.
ئەو سەرچاوەیە زانیوشیەتی یانەی هیلال، کە پێشتر کالیدۆ کۆلیبالی لە چێڵسی گواستەوە، یەکێکە لەو یانانەی خولەکە گرنگی بە گواستنەوەی ستەرلینگی تەمەن ٢٩ ساڵ دەدات.
