سەماکەرانی سامبا لە وڵاتی مام سام بەرامبەر ئەمریکا یاری دەکەن

یاریگا –

هەڵبژاردەی ویلایەتە یەکگرتووەکانی ئەمریکا یارییەکی دۆستانە لە بەرامبەر هەڵبژاردەی بەرازیل دەکات.

یەکێتیی تۆپی پێی ئەمریکا بڵاویکردووەتەوە، وەک ئامادەکاری بۆ کۆپا ئەمێریکای داهاتوو، هەڵبژاردەی ئەمریکا لە یاریگای فێدئێکس فیڵد لە ماریلاند، یارییەکی دۆستانە لەگەڵ پاڵەوانی پێنج جارەی مۆندیال دەکات.

بڕیارە یارییەکە لە 12ی یۆنیۆ/حوزەیرانی داهاتوو بکرێت، 10 رۆژ بەر لە دەستپێکردنی پاڵەوانیەتییەکە.

کۆپا ئەمێریکا لە ویلایەتە یەکگرتووەکانی ئەمریکا بەڕێوەدەچێت و بڕیارە یارییەکان لە 20ی یۆنیۆ/حوزەیرانی داهاتوو دەستپێدەکەن و تاوەکو 14ی یۆلیۆ/تەمووز بەردەوام دەبن.

𝗜𝗧’𝗦 𝗕𝗔𝗖𝗞

The 2024 @Allstate Continental Clásico is coming your way this summer!

🇺🇸 USA vs Brazil 🇧🇷

📆 June 12
📍 Orlando

More Info » https://t.co/iMN139JpOe pic.twitter.com/a9tCRULSNz

— U.S. Soccer Men’s National Team (@USMNT) February 28, 2024

یەکەمجارە 16 هەڵبژاردە بەشداری پاڵەوانیەتی کۆپا ئەمێریکا بکەن، 10 هەڵبژاردەی ئەمریکای باشوور و شەش هەڵبژاردەی ئەمریکای باکوور.

هەڵبژاردەی ئەمریکا لە کۆمەڵەی سێیەمدایە، شان بەشانی هەڵبژاردەکانی بۆلیڤیا، پەنەما و ئوروگوای یاری دەکات.