دوو یاریزانی بارسێلۆنا بەشداری یارییەکەی چامپیۆنزلیگ ناکەن

یاریگا–
ئێرنێستۆ ڤالڤێردی، راهێنەری یانەی بارسێلۆنا ناوی یاریزانانی یانەکەی بۆ یارییەکەی بەرامبەر سلاڤیا پراگی چیکی بڵاوکردەوە.

هەژمارەی فەرمی بارسێلۆنا لە تۆڕی کۆمەڵایەتی تویتەر ناوی یاریزانە بانگهێشت کراوەکانی بۆ یارییەکەی گەڕی سێیەمی چامپیۆنزلیگ بڵاوکردەوە و هەردوو بەرگریکار ساموئێل ئۆمتیتی و سێرجی رۆبێرتۆ بە هۆی پێکان بانگهێشت نەکراون و بەشداری ئەم یارییە ناکەن.

بارسا لە گەڕی سێیەمی قۆناخی کۆمەڵەکانی چاپیۆنزلیگ شەوی داهاتوو دەبێتە میوانی سلاڤیا پراگی چیکی.