دیکۆ وادەی نوێکردنەوەی گرێبەستی یامالی ئاشکراکرد
یاریگا –
بارسێلۆنا پلانی بۆ نوێکردنەوەی گرێبەستی لامین یامال داڕشتووە.
دیکۆی پۆرتوگالی و بەڕێوبەری وەرزشی بارسێلۆنا بەشداری پرۆگرامێکی کەناڵی Esport3 کرد و وەڵامی چەند پرسیارێکی گرنگی دایەوە.
بەڕێوبەرەکەی بارسا لەبارەی چارەنووسی لامین یامالی تەمەن 16 ساڵان ئاشکرایکرد، کە پلانیان بۆ نوێکردنەوەی گرێبەستەکەی داڕشتووە و دەستبەرداری ئەو گەوهەرە نابن.
یامال ئێستا تەمەنی 16 ساڵ و نیوە، تا سێ وەرزی دیکە گرێبەستی لەگەڵ بارسێلۆنا هەیە، بەڵام کە تەمەنی بوو بە 18 ساڵ گرێبەستەکەی نوێ دەکەینەوە.
El Deco més sincer: “No farem grans fitxatges; l’entrenador que vingui ho ha d’entendre”https://t.co/o9dhXDMj6y
— Esport3 (@esport3) February 8, 2024
یامال لە ئەکادیمیای لاماسیا پێگەیشتووە، هاوینی رابردوو لە لایەن چاڤی هێرناندێزی راهێنەری یانەکە بانگهێشتی تیپی یەکەم کرا، هەر لە دەستپێکەوە ئاستێکی سەرسوڕهێنەری پێشکەشکرد و هەمووانی سەرسامکرد.
لەم وەرزەش لە سەرجەم پاڵەوانێتییەکاندا بەشداری 32 یاریی یانەکەی کردووە، 1,653′ خولەک یاری کردووە، 3 گۆڵی کردووە و 5 گۆڵیشی درووستکردووە.
