یاریگا –
شەوی رابردوو لە یارییەکانی گەڕی 23ـی لالیگا، ریال مەدرید لە یاریگای سانتیاگۆ بێرنابیۆ میوانداری ئاتلێتیکۆ مەدریدی کرد، یارییەکەش بە یەکسانبوون 1-1 کۆتایی هات.
بەر لە دەستپێکی یارییەکە، لە کاتی خۆ گەرمکردنەوە، ڤینیسیۆس جونیۆر تووشی پێکان بوو، بەو هۆیە بەشداری یارییەکەی نەکرد و لەشوێنی ئەو برایم دیازی یاری کرد، کە تاکە گۆڵەکەی یانەکەشی کرد.
پێکانەکەی ڤینی لە کاتێکی هەستیارە، بەوپێیەی مێرێنگی لە گەڕی داهاتووی خولەکە رووبەڕووی جیرۆنای رکابەری دەبێتەوە، ئەمەش ترس و دڵەڕاوکێی لای هاندەرانی یانەکە درووستکردووە.
بەڵام ماڵپەڕی کادینا سێر بڵاویکردووەتەوە، پێکانەکەی ڤینی سوکە، ئەستێرە بەرازیلییەکە بۆ رووبەڕووبوونەوەی جیرۆنا ئامادە دەبێت و مەترسی لەسەر نییە.
🇧🇷✅ “Lo de Vinicius no es nada grave: le han puesto un medicamento que ha sentado bien y ha estado calentando gran parte del segundo tiempo”
🔜 “En el Real Madrid descartan cualquier lesión grave y podrá estar el sábado ante el Girona”
🎙️ @antonmeana https://t.co/t712YCaVdu pic.twitter.com/cBWomJ3HPn
— Carrusel Deportivo (@carrusel) February 4, 2024
ڤینی لە گێمی دووەمی یارییەکە دەستی بە خۆ گەرمکردنەوە کرد، بەڵام کارلۆ ئانچێلۆتی بەشداری پێنەکرد و مەترسی لەسەر درووست نەکرد.
راهێنەرە ئیتاڵییەکە پاش یارییەکە رایگەیاند: ڤینی لە کاتی خۆگەرمکردنەوە لە ملی هەستی بە نارەحەتی کرد، بەڵام هیوادارم ئەو و رودیگەریش بۆ یارییەکەی جیرۆنا ئامادەبن.
ڤینیسیۆس لەم وەرزە لە سەرجەم پاڵەوانێتییەکان 20 یاریی بۆ ریال مەدرید کردووە، 11 گۆڵی کردووە و 5 گۆڵیشی درووستکردووە.
❗️Vini Jr. is warming up. pic.twitter.com/KQZpNs2Xe7
— Madrid Zone (@theMadridZone) February 4, 2024
