لویس ئێنریکێ دەگەڕێتەوە بارسێلۆنا؟
یاریگا –
شەممەی رابردوو بارسێلۆنا لە یاریگای مۆنجویک میوانداری ڤیاریالی کرد، یانە کاتالۆنییەکە تووشی شکستێکی سەخت بوو، یارییەکەی 3-5 دۆڕاند.
پاش یارییەکە چاڤی هێرناندێزی راهێنەری یانەکە رایگەیاند لە کۆتایی وەرز واز لە پۆستی راهێنەرایەتی یانەکە دەهێنێت و خۆی بە بەرپرسیاری یەکەمی شکستەکانی بارسا دەزانێت.
دوای ئەو بڕیارەی چاڤی، ناوی چەند راهێنەرێکی دیار بە یانەکە بەستراوەتەوە، لە نێویاندا لویس ئێنریکێی ئیسپانی، بەڵام راهێنەرەکەی بارسا ئامادە نییە لەسەر ئەو بابەتە هیچ بڵێت.
گەڕانەوەم بۆ بارسێلۆنا؟ لەسەر ئەو بابەتە هیچ ناڵێم
Luis Enrique, a pregunta de @partidazocope, sobre el anuncio del adiós de Xavi como entrenador del Barça a final de temporada y si se ve algún día otra vez en el banquillo del Camp Nou: “No tengo nada que decir”.
— Dani Gil (@danigilopez) January 28, 2024
ئێنریکێ لە هاوینی 2014 تا هاوینی 2017 راهێنەری بارسێلۆنا بووە، لەگەڵ بارسا لە 181 یاری خاوەنی 138 بردنەوە، 21 دۆڕان و 22 یەکسانبوون بووە.
نازناوێکی چامپیۆنزلیگ، دوو نازناوی لالیگا، نازناوێکی جامی جیهانی یانەکان، سێ نازناوی جامی شای ئیسپانیا، نازناوێکی جامی سوپەری ئەورپا و نازناوێکی جامی سوپەری ئیسپانیای بۆ یانە کاتالۆنییەکە بەدەستهێناوە.
