بە فەرمی مۆسکاردۆ پەیوەندی بە پاریس سانجێرمان کرد
یاریگا –
بەشێوەیەکی فەرمی گابرێل مۆسکاردۆ پەیوەندی بە پاریس سانجێرمان کرد.
کەمیک لەمەوبەر پاریس سانجێرمانی فەڕەنسی رایگەیاند، بەشێوەیەکی فەرمی گابرێل مۆسکاردۆ بەرازیلی و یاریزانی پێشووی کۆرێنتیانز پاولیستای بەرازیلی پەیوەندی بە یانەکەیان کردووە.
گرێبەستەکەی مۆسکاردۆ لەگەڵ سانجێرمان بۆ چوار وەرز دەبێت و تا هاوینی 2028 درێسی یانە فەڕەنسییەکە دەپۆشێت.
Le Paris Saint-Germain est heureux d’annoncer la signature de Gabriel Moscardo.
Le joueur brésilien de 18 ans s’est engagé avec le club de la capitale jusqu’en 2028 et sera prêté au SC Corinthians jusqu’à la fin de la saison.
❤️💙 #WelcomeMoscardo
— Paris Saint-Germain (@PSG_inside) January 25, 2024
تێچووی ناوەڕاستکارە تەمەن 18 ساڵانییەکە لەسەر پاریس 20 ملیۆن یۆرۆیە، جیا لەوەش 2 ملیۆن یۆرۆی دیکە بەشێوەی زیادکراو لەخۆ دەگرێت.
هەر بەپێی رێککەوتنی نێوان هەردوو یانە، ناوەڕاستکارەکەی کۆرێنتیانز تا هاوینی داهاتوو لە یانەکەی دەمێنێتەوە و لە مانگی تەمموزی داهاتوو پەیوەندی بە پاریس دەکات.
مۆسکاردۆ لە هێڵی ناوەڕاست یاری دەکات، توانای هەیە لە هێڵی بەرگریش یاری بکات، بە درێسی یانە بەرازیلییەکە 25 یاری کردووە، خاوەنی یەک گۆڵ و یەک ئەسیستە.
Bienvenue à Paris, Gabriel Moscardo !
❤️💙 #WelcomeMoscardo pic.twitter.com/tpZh5bLqbX
— Paris Saint-Germain (@PSG_inside) January 25, 2024
