دوای نزیکەی 20 ساڵ چیچاریتۆ گەڕایەوە بۆ یانەکەی منداڵیی
یاریگا –
خافێر هێرناندێزی مەکسیکی لە کۆتاییدا بارگەی پێچایەوە بۆ ماڵەکەی منداڵیی و پەیوەندی کردەوە بە یانەی گوادالاخارای وڵاتەکەیەوە.
هێرناندێز کە زیاتر بە چیچاریتۆ ناوبانگی ڕۆیشتووە، لە ساڵی ١٩٩٧-٢٠٠٦ لەو یانەیە بووە و یەکەم ئەزموونی کە ڕووی کردە ئەورووپا لە دەرگای مانچستەر یونایتد بوو لە ساڵی ٢٠١٠ و تا ٢٠١٥ لە ئۆڵدترافۆرد مایەوە.
چیچاریتۆ لە ئەوروپا وەک یەکێک لە گۆڵکارە لێهاتووەکان خۆی ناساند و چەند وێستگەیەکی گرنگی تاقی کردەوە وەک بە خواستن لە ڕیاڵ مەدرید، بایەر لیڤەرکوزن، وێستهام و سێڤیا. دواتر ٢٠٢٠ ئەوروپای بەرەو خولی ئەمریکی جێهێشت و تا ساڵی ٢٠٢٣ لە ڕیزەکانی گالاکسی مایەوە.
Chivas confirm 35-year-old Chicharito has joined as a free agent having left LA Galaxy.🇲🇽 pic.twitter.com/xNq4WEPtkT
— Ben Jacobs (@JacobsBen) January 24, 2024
ناوبراو وەک یاریزانی ئازاد گەڕاوەتەوە گوادالاخارا، کە هاوکات بە شیڤاسیش دەناسرێت لە خولی مەکسیکی.
