راهێنەری سەنیگال دۆخێکی دارایی سەخت بەڕێ دەکات

یاریگا –

راهێنەر و دەستەی راهێنەرانی هەڵبژاردەی سەنیگال بە دۆخێکی سەختی بێ مووچەییدا گوزەر دەکەن و پاڵەوانێتی جامی نەتەوەکانی ئەفریقایش لە دەرگایە.

بەگوێرەی میدیاکانی ئەفریقا، ئالیۆ سیسێ و ستافەکەی ماوەی شەش مانگە هیچ مووچەیەکیان وەرنەگرتووە و لە دۆخێکی ناهەمواردان پێش دەستپێکردنی جامی نەتەوەکانی ئەفریقا کە بریارە 13ی مانگی داهاتوو لە کۆتی دی ڤوار دەست پێ بکات.

🚨 Aliou Cissé, head coach of Senegal, has been without salary for six months! 😨🇸🇳💰

The situation is the same for his staff. He should be paid €30,000/month.

(Source: @snewsafrica) pic.twitter.com/vK8KeXbIX3

— Transfer News Live (@DeadlineDayLive) December 26, 2023

لە دوو وەشانی رابردوودا لە ساڵەکانی 2019 و 2021 سەنیگال بە راهێنەرایەتی سیسێ گەشتە یاریی کۆتایی و لەوەی دواییندا بوون بە پاڵەوان لەسەر حیسابی هەڵبژاردەی میسڕ.
بۆ وەشانی دادێ، شێرەکانی تیرانگا کەوتوونەتە کۆمەڵەی کامیرۆن و گینیا و گامبیاوە.