یاریگا –
ئەمڕۆ لوکا مۆدریچی کڕواتی گەڕایەوە مەشق و راهێنانەکانی یانەی ریال مەدرید.
مۆدریچ، لە کۆتایی مانگی نۆڤێمبەر و لە یاری بەرامبەر کادیز، لە خولەکی 70 تووشی پێکان بوو، هەرچەندە یەکەمجار بوو لەم وەرزەدا لە پێکهاتەی سەرەکی یاری بکات.
بەو هۆیە ئەستێرە کڕواتییەکە بەشداری دوو یاری رابردووی یانەکەی لە بەرامبەر یانەکانی ناپۆلی لە چامپیۆنزلیگ و گرانادا لە لالیگا نەکرد.
🚨Luka Modric est de retour à l’entraînement collectif ! pic.twitter.com/xLaUrLPB2I
— Real Madrid 🇫🇷 (@RMadridFrance_) December 6, 2023
کەمێک لەمەوبەر هەژماری فەرمی ریال مەدرید لە پلاتفۆڕمی ئێکس وێنەیەکی لوکای لە مەشقەکانی ئەمڕۆ بڵاوکردەوە و گەڕانەوەی یاریزانەکەی راگەیاند.
بەمشێوەیەش ئەستێرە تەمەن 38 ساڵانییەکە بۆ یاری داهاتووی یانەکەی ئامادەیە، کە رۆژی شەممەی داهاتوو لە یارییەکانی گەڕی 16ـی لالیگا لە یاریگای بێنیتۆ ڤیامارین دەبنە میوانی ریال بێیتس.
مۆدریچ لەم وەرزە بەشداری 16 یاری یانەکەی کردووە، بەشێوەیەکی گشتی تەنیا 717 خولەک یاری کردووە و 2 گۆڵیشی درووستکردووە.
🚨 Luka Modric entrenando con el resto del grupo 😍👏 pic.twitter.com/T0IBWnF7d0
— REAL MADRID ♥️ (@AdriRM33) December 6, 2023
