یاریگا –
جیم راتکڵیف، ملیاردێری بەریتانی نزیکە لە کڕینەوەی بەشێک لە پشکەکانی خاوەندارێتی مانچێستەر یونایتد.
رۆژنامەی میرەر بڵاویکردووەتەوە، کۆمپانیای ئینیەس، کە کە راتڵیف خاوەنییەتی، نزیکە لە کڕینەوەی 25%ی پشکەکانی مانچێستەر یونایتد و بەرپرسیارێتی بەشێکی گرنگی بەڕێوەبەردنی هاوکێشە داراییەکانی یانەکە دەگرێتە ئەستۆ.
رۆژنامەکە ئاشکرای کردووە، پێشبینی دەکرێت لە ناوەڕاستی ئەم هەفتەیەدا، پڕۆسەی کڕینی بەشێک لە یانەکە تەواوببێت.
🚨🚨 Sir Jim Ratcliffe’s Man Utd deal will be completed during the international break – with the British billionaire ready to complete an Old Trafford overhaul | @DiscoMirror https://t.co/Onht3KxRzE pic.twitter.com/ArvMOqyaxJ
— Mirror Football (@MirrorFootball) November 10, 2023
ماڵباتی گلەیزەر کە خاوەنی زۆرینەی پشکەکانی یانە دێرینەکەی بەریتانیان، لە مانگی نۆڤێمبەری ساڵی رابردوو رایگەیاند، بە دوای کڕیار و جێگرەوەی ستراتیجی یانەکە دەگەڕێن، تاوەکو ئاستی یانەکە و ژێرخانەکەی بەرەوپێش ببەن.
پێشتر جاسم بن حەمەد، گەورە سەرمایەداری قەتەری هەوڵی زۆری کڕینی تەواوی پشکەکانی یانەکەیدا، هەرچەندە جاسم و راتکڵیف دوو ئۆفەری فەرمیان بۆ کڕینەوەی یانەکە پێشکەش کرد، بەڵام ماڵباتی گلەیزەر ئۆفەرەکانی رەتکردەوە.
مانچێستەر یونایتد لە پلەی هەشتەمی ریزبەندی پرێمەرلیگدا دێت و لە دوا پلەی کۆمەڵەکەی لە چامپیۆنزلیگ دێت.
