یاریگا –
لە مێرکاتۆی هاوینەی رابردوو، ریال مەدرید بە بڕی 103 ملیۆن یۆرۆ، جود بێڵینگهامی لە بۆرووسیا دۆرتمونەوە گواستەوە ریزەکانی.
ئەستێرە ئینگلیزەکە هەر لە سەرەتاوە بە ئاستێکی بەرز دەرکەوت، بە خێرایی خۆی لەگەڵ تیپەکەی گونجاند، لە دوایین یاریش لە کلاسیکۆی جیهان دوو گۆڵی بۆ تیپەکەی کرد، ئەوەندی تر بوو بە باس و خواسی جیهانی تۆپی پێ.
وەک دەردەکەوێت، بێڵینگهام بە ماوەیەکی کەم خزمەتێکی گەورەی بە ریال مەدریرد کردووە، لە چەندین یاری جیاوازی ئەم وەرزە یاریزانی یەکلاکەرەوە بوو و گۆڵی سەرکەوتنی تیپەکەی کردووە.
بەڵام بەپێی ئەگەر لە داتاکان وردبینەوە دەبینین تەنیا بێڵینگهام خزمەتی بە مێرێنگی نەکردووە، بەڵکو ریال مەدریدیش خزمەتێکی زۆری بە یاریزانەکە کردووە و بووەتە هۆی بەربزوونەوەی ئاستی بەشێوەیەکی بەرچاو.
بێڵی لە نێوان وەرزی رابردوو و ئەم وەرزەدا
بێڵینگهام لە وەرزەی رابردوو بە درێسی بۆڕووسیا دۆرتموند لە سەرجەم پاڵەوانێتییەکاندا 42 یاری کرد، 14 گۆڵی کرد و 7 گۆڵیشی درووستکرد.
هاوکات ئەستێرە تەمەن 20 ساڵانییەکە ئاستێکی بەرزی پێشکەشکرد، خەڵاتی باشترین یاریزانی وەرزی رابردووی بۆندسلیگاشی بەدەستهێنا.
بەڵام ئاستی جود لەگەڵ ریال مەدرید بەشێوەیەکی بەرچاو بەرزتربووەتەوە، لەم وەرزە لە سەرجەم پاڵەوانێتییەکاندا 13 یاری بۆ مێرێنگی کردووە 13 گۆڵی کردووە و 3 گۆڵیشی کردووە، کە تا ئێستا بە ژمارەیەکی کەمی یاری تەنیا یەک گۆڵی لە تەواوی وەرزی رابردوو کەمترە.
ئەمە جیا لەوەی لە بوون بە باشترین یاریزانی خولێکی ناوخۆیی یاریزانەکە ئێستا هەنگاوی ناوە بەرو خەڵاتی باڵۆن دۆر و وەک پاڵێوراوێکی سەرەکی خەڵاتەکە سەیر دەکرێت.
بێگومان هەموو ئەمانە بێ پلان و بەرنامە نین، کارلۆ ئانچێلۆتی ئیتاڵی بەشێوەیەکی ورد کار لەسەر ئاستی یاریزانەکە دەکات، هەر بۆ ئەو مەبەستە سیستەمی یاریکردنی ئەڵماسیشی خستووەتە خزمەتی یاریزانەکە.
بۆیە دەتوانین بڵێین ریال مەدرید و جود بێڵینگهام هەردوولایان گەورەترین خزمەتیان بە یەکتر کردووە.
This is Jude Bellingham. This is Real Madrid.
This was incredible.
— TC (@totalcristiano) October 29, 2023
