یاریگا –
لوكا مۆدریچ، ئەستێرەی هەڵبژاردەی كرواتیا و یانەی ریال مەدریدی ئیسپانی دڵخۆشی خۆی دەربرڕی بە گەیشتنی بە یاری ژمارە 500 لەگەڵ ریال مەدرید.
بارسێلۆنا لە یاریگای مۆنجویكی تایبەت بە خۆی میوانداری ریال مەدریدی كرد و یارییەكەش بە ئەنجامی دوو گۆڵ بەرامبەر گۆڵێك لە بەرژەوەندی یانەی میوان كۆتایی هات، لە میانی یارییەكانی هەفتەی یانزەیەمی خولی ئیسپانیا.
لە خولەكی 63ی یارییەكەدا كارلۆ ئانچێلۆتی راهێنەر لوكا مۆدریچی لە جێگای تۆنی كروس خستە ناو یاریگا و بەوەش یاری ژمارە 500 بە درێسی یانە شاهانەكەوە ئەنجامداوە.
🤩 @LukaModric10: "Es un orgullo lograrlo con el club más grande de la historia".
📺 ¡No te pierdas nada del pospartido de #ElClásico, en #RMPlay!
🔗 https://t.co/P87b9TnCVT pic.twitter.com/6z03r5seDo— Real Madrid C.F. (@realmadrid) October 28, 2023
یانەی ریال مەدرید درێسێکی بە ژمارە 500 بۆ مۆدریچ ئامادەکرد و ئاهەنگی بۆ ئەو دەستکەوتەی یاریزانەکەی گێڕا لەگەڵ هاوڕێکانی.
لە دوای یارییەكە مۆدریچ لە لێدوانەكانیدا بۆ رۆژنامەی ئاس ووتی: تەنانەت نازانم چی بڵێم، هەست بە شانازییەکی زۆر دەکەم کە چەند جارێک نوێنەرایەتی ئەم یانەیەم کردووە.
بەردەوام بوو ووتی: پێشبڕکێی 500 یاری پێشبڕکێیەکی زۆر تایبەتە، بۆ ئەوەی ئەو کارە بکەم بەرامبەر بە رکابەرێکی گەورە و لە یاری کلاسیکۆ، نەمتوانی داوای زیاتر بکەم، زۆر دڵخۆشم بەم ئەزموونە، یاریم بۆ گەورەترین یانە لە مێژوودا.
كاپتنەكەی ریال مەدرید لە درێژەی قسەكانیدا ووتی: گەیشتن بەم ژمارەیە ئاسان نییە، هەست بە شانازی و دڵخۆشییەکی زۆر دەکەم، وە بەستنی قۆڵبەستی كاپتنی، کە شتێکە ئەنچیلۆتی پێی بەخشیم زۆر دڵخۆشم.
بە بەشداریكردنی لە یارییەكەدا لوكا مۆدریچ بوو بە بەتەمەنترین یاریزام بە 38 ساڵ و 47 رۆژ بەشداری كلاسیكۆ بكات.
