کەمتر لە 300 بلیتی کلاسیکۆ ماون
یاریگا
چاوەڕێ دەکرێت یاریی کلاسیکۆی ئەمجارە لە نێوان بارسێلۆنا و ریال مەدرید لە یاریگای لویس کۆمپانیس پڕ بینەرترین یاریی مێژوو بێت.
ڕۆژی 28ـی ئەم مانگە، بارسێلۆنا لە یاریگای لویس کۆمپانیس لە یاریی کلاسیکۆ میوانداری ڕیال مەدریدی ڕکابەری دەکات. ئەم یارییە بە تایبەتی لەم کاتەی وەرزدا گرنگە چونکە ڕیاڵ مەدرید زۆر باش دەستی بە وەرز کردووە و جگە لە دۆڕانێکی سەیر بە ئەنجامی 1-3بەرامبەر ئەتلەتیکۆ مەدرید هیچ یارییەکی دیکە نەدۆڕاوە.
لەلایەکی دیکەوە بارسێلۆنا ئەو یانەیەش تاوەکو ئێستا لە هیچ یارییەک نەدۆڕاوە لە لالیگادا و تاکە یانەکە کە هیچ یارییەکی نەدۆڕاندووە، بەڵام بەهۆی سێ یەکسانبوونیان بەرامبەر خیتافی و مایۆرکا و گرانادا، بە جیاوازی سێ خاڵ لەگەڵ ڕیاڵ مەدریدی پێشەنگ، پلەی سێیەمی گرتووە.
هەستیارییەکانی ئەم یارییە ئەوەندە بەرزە، هەرچەندە هەردوو تیپەکە بێ بەشە لە دوو ئەستێرە دیارەکانی ساڵانی رابردوو واتە مێسی و رۆناڵدۆ، بەڵام هێشتا پێشوازیەکی گەورە لەو یارییە دەکرێت. بەگوێرەی زانیارییەکانی ڕیلیڤۆ، 8 ڕۆژ ماوە بۆ ئەم یارییە، لە کۆی 55 هەزار و 926 کورسی یاریگاکە تەنها 294 کورسی ماوە، لە هیچ یەکێک لە یارییەکانی ئەم وەرزەی بارسێلۆنا ئەم یاریگایە بە تەواوی پڕ نەبووە.
