یاریگا
ئادریان رابیۆ، ناوەڕاستکاری هەڵبژاردەی فەرەنسا، پێیوایە لیۆنێل مێسی یاریزانی هەڵبژاردەی ئەرجەنتین و یانەی ئینتەر مەیامی ئەمریکا شایستەی خەڵاتی باڵۆن دۆری ساڵی 2023 نیە.
ناوەڕاستکارەکەی هەڵبژاردەی فەرەنسا لە چاوپێکەوتنێکدا لەگەڵ کەناڵی RMC SPORTی وڵاتەکەی، لەبارەی خەڵاتی باڵۆن دۆری ساڵی 2023 دەڵێت:
زۆرجار دەبیستم کە مێسی دەبێتە خاوەنی خەڵاتی باڵۆن دۆری ساڵی 2023 بەڵام ئەگەر تەنها ئاستی وەرزشی لەبەرچاو بگیرێت، ئەم رکابەرییە لەنێوان کیلیان ئێمباپێ و ئێرلینگ هالاند دەبێت. بێگومان هەڵبژاردنی نێوان ئەم دوو کەسە بۆ خۆی ئاڵۆزە و بەندە بەوەوە کە پێوەرەکانی هەڵبژاردنەکە لەسەر چی بن. رەنگە هەمووان لەگەڵمدا نەبن، بەڵام ئەمە بۆچوونی منە
