یاریزانانی شتوتگارت هەڵپەرکێی کوردی دەکەن
یاریگا –
یاریزانانی یانەی شتوتگارت دوای سەرکەوتنیان بەسەر یانەی کۆڵن، بە کۆمەڵ ئاهەنگ دەگێڕن.
یارییەکانی هەفتەی شەشەمی خولی ئەڵمانی شەوی رابردوو بەڕێوەچوو، لە گرنگترین یاریشدا بایرن میونشن بەرامبەر لایپزیگ بە ئەنجامی 2-2 یەکسان بوو. یانەی بایر لیڤەرکوزن بە سێ گۆڵ بەرامبەر یانەی ماینز سەرکەوتنی بەدەستهێنا.
شتوتگارت، تیپەکەی تری بۆندسلیگا وەک یارییەکانی پێشوو سەرکەوتنی بەدەستهێنا، خوێندکارەکانی سێباستیان هۆنێس بە دوو گۆڵی ئۆنداڤ کە لە خولەکی 62 هاتە ناو یاریگا، سێ خاڵی گرنگیان بەدەستهێنا.
یاریزانانی شتوتگارت دوای بردنەوەیان بەرامبەر کۆڵن، چوونە لای هاندەرەکانیان و دەستیان خستە سەر ملی یەکتر و سەمایەکی هاوشێوەی هەڵپەرکێی کوردییان لەبەردەم ئامادەبوواندا ئەنجامدا.
🥹🤍❤️
Kommt gut nach Hause, VfBler! #VfB | #KOEVfB pic.twitter.com/ohKn8MDzHL
— VfB Stuttgart (@VfB) September 30, 2023
یانەی شتوتگارت بە کۆ کردنەوەی 15 خاڵ لە پلەی دووەمدان لە دوای بایەر لیڤەرکوزن بە 16 خاڵ. هەروەها بۆڕوسیا دۆرتمۆند بە کۆکردنەوەی 14 خاڵ لە پلەی سێیەمی رێزبەندیەکەدا دێت.
