یاریگا –
یۆرگن كڵۆپ، راهێنەری ئەڵمانی یانەی لیڤەرپوولی ئینگلیزی رەخنەی لە ناوبژیوانانی یارییەكەیان بەرامبەر تۆتنهام گرت.
شەوی رابردوو تۆتنهام لە یاریگای تایبەت بە خۆی میوانداری لیڤەرپوولی كرد و یاریەكەش بە ئەنجامی دوو گۆڵ بەرامبەر گۆڵێك لە بەرژەوەندی خاوەن ماڵ كۆتایی هات.
لیڤەرپوول بە 9 یاریزانەوە یارییەكەی تەواو كرد لە دوای كرانە دەرەوەی هەریەك لە كورتس جۆنز و دیۆگۆ جۆتا، هەروەها گۆڵێكیان بە هۆكاری ئۆفساید رەتكرایەوە.
"The pictures confirm it, it's not offside"
Jürgen Klopp tries to unpack Liverpool's 2-1 defeat at Tottenham with @CarrieBrownTV.#beINPL #TOTLIV pic.twitter.com/IsBDTXAHHp
— beIN SPORTS (@beINSPORTS_EN) September 30, 2023
لە دوای یارییەكە كڵۆپ ووتی: من هەرگیز پێشتر یارییەكی لەوە نادپەروەرانەترم نەبینیوە، هەرگیز لە ئێستا زیاتر شانازیم بە تیپەكەمەوە نەكردووە، تا ئێستا یارییەكی لەم شێوەیەم نەبینیوە كە بڕیاری نادادپەروەرانەتری تێدا بێت.
سەبارەت بە یارییەكە ووتی: بۆ تۆ شتێكی پێكەنیناویە بەڵام بۆ من زۆر گرانە، هەریەكێك لە یاریزانەكانم وەك شاخێك وا بوون، شتێك كە ئەمڕۆ بەدەستمان نەهێنا جگە لە بڕیارەكان ئەنجام بوو.
سەبارەت بە گۆڵە رەتكراوەكەیان ووتی: لە نێوان گێمەكاندا یەكێك مۆبایلەكەی دەرهێناو بینیمان لە ئینستاگرام یان تویتەر ئەوە ئۆفساید نەبوو هەرگیز، هێڵەكانیان بە هەڵە كێشاوە.
سەبارەت بە كرانە دەرەوەی دیۆگۆ جۆتا و جۆنس ووتی: یەكەم كارتی زەردی بە هیچ شێوەیەك شایەنی نەبوو، جۆنس پێی خستە سەر تۆپەكە ئەوە بە هیچ شێوەیەك بە ئەنقەست نەبوو.
بە كۆكردنەوەی 16خاڵ لیڤەرپوول لە ریزبەندی چوارەمی پرێمەرلیگ دێت.
