یاریگا –
پابلۆ گاڤی، ناوەڕاستكاری ئیسپانی یانەی بارسێلۆنا ژمارەیەكی نایابی یانەكەی بە ناوی خۆیەوە كرد لە یارییەكەیان بەرامبەر ئۆساسۆنا.
شەوی رابردوو ئۆساسۆنا لە یاریگای ئێل ساداری تایبەت بە خۆی میوانداری بارسێلۆنای كرد و یاریەكەش بە ئەنجامی دوو گۆڵ بەرامبەر گۆڵێك لە بەرژەوەندی یانەی میوان كۆتایی هات.
لە خولەكی 45 جولس كۆندێ گۆڵی یەكەمی بارسێلۆنای كرد و لە خولەكی 76 چیمی ئاڤێلا ئەنجامەكەی بۆ ئۆساسۆنا یەكسان كردەوە، پاشان لە خولەكی 85 لیڤاندۆڤسكی گۆڵی دووەم و بردنەوەی یانە كەتەلۆنییەكەی كرد.
گاڤی بە شێوەی سەرەكی بەشداری یاریەكەی كرد و ژمارەیەكی پێوانەیی لەگەڵ یانەكەی تۆماركرد.
1⃣0⃣0⃣ partits gaudint de Gavi. El culer més jove d'arribar-hi! pic.twitter.com/I4OBHmdDVy
— FC Barcelona (@FCBarcelona_cat) September 3, 2023
گاڤی بوو بە بچوكترین یاریزان بتوانێت 100 یاری بە درێسی بارسێلۆناوە بكات بە 19 ساڵ و 29 رۆژ.
هەروەها بوو بە یەكەم یاریزانی لەدایك بووی ساڵی 2004 بتوانێت 100 یاری بكات لەگەڵ یانەكەی لە پینج خولە بەهێزەكەی ئەوروپا.
لە ماوەی ئەو 100 یاریەدا گاڤی 6 گۆڵیكردووە و 11 گۆڵیشی بۆ هاوڕێكانی درووست كردووە.
