مۆندیالی باسکە: ئیسپانیای پاڵەوان تووشی دۆڕان بوو
یاریگا
لە بەردەوامی قۆناغی دووەمی مۆندیالی باسکەی 2023 هەڵبژاردەی ئیسپانیا پاڵەوانی مۆندیالی رابردوو تووشی دۆڕان بوو.
هەڵبژاردەی ئیسپانیا هەڵگری ناسناوی مۆندیال لە یەکەم یاریی قۆناغی دووەمئ مۆندیالی باسکە، رووبەڕووی هەڵبژاردەی لاتڤیا بووەوە و یارییەکەشی بە ئەنجامێکی چاوەڕواننەکراو دۆڕاند.
لاتڤیا ئەنجامێکی چاوەڕواننەکراوی بەدەستهێنا. ئەوان بەبێ باشترین یاریزانەکەیان کریستاپس پۆرزینگیس رووبەڕووی رکابەرە بەهێزەکەیان بونەوە، دواتر ئەستێرەیەکی دیکەیان کە دابریس بێرتانس بوو بەهۆی پێکان لەدەستدا.
لە کۆتاییدا لاتڤیا توانی یارییەکە بە ئەنجامی 74-60 لە پاڵەوانی مۆندیال واتە ئیسپانیا بباتەوە و گەیشتنی بۆ قۆناغی چارەکی کۆتایی مۆندیالی 2023 مسۆگەر کرد.
لە بەرامبەر هەڵبژاردەی ئیسپانیای هەڵگری ناسناو، رۆژی سێ ئەم مانگە رووبەڕووی کەنەدا دەبێتەوە و براوەی ئەم یارییەیەش سەردەکەوێت بۆ قۆناغی چارەکی کۆتایی.
