فەرمی: بارسێلۆنا رۆیشتنی یاریزانێكی راگەیاند
یاریگا –
بەشێوەیەكی فەرمی یانەی بارسێلۆنای ئیسپانی رۆیشتنی سێرجینۆ دێستی ئەمریكی و بەرگریكاری یانەكەی راگەیاند.
بارسێلۆنا لە گواستنەوەكانی هاوینەدا دەیەوێت لە بەشێكی یاریزانەكانی بفرۆشێت، بۆ ئەوەی موچەی یاریزانەكانی كەم بكات و لەو قەیرانە داراییەی تێیكەوتووە رزگاری ببێت.
هەژماری فەرمی بارسێلۆنا لە تۆڕی كۆمەڵایەتی تویتەر رۆیشتنی دێست بەرگریكاری ئەمریكی یانەكەی بۆ ریزەكانی ئایندهۆڤن بە شێوەی خواستن و بۆ ماوەی وەرزێك راگەیاند.
Acord amb el PSV per a la cessió de 𝗗𝗲𝘀𝘁
— FC Barcelona (@FCBarcelona_cat) August 21, 2023
لە بەیاننامەكەدا هاتووە: دێست بە شێوەی خواستن و بۆ ماوەی وەرزێك تا ساڵی 2024 پەیوەندی بە ئایندهۆڤنی هۆڵەندییەوە كرد.
ئەوەش هاتووە، ئایندهۆڤن دەتوانێت دوای كۆتاییهاتنی ماوەی خواستنەكەی بڕگەی كڕینەوەی یاریزانەكە چالاك بكات.
He arrives! 🇺🇸 pic.twitter.com/VFUArux6ko
— PSV (@PSV) August 21, 2023
لە بەیاننامەكەی یانە كەتەلۆنییەكەدا هاتووە، بارسێلۆنا مافی بەدەستهێنانی رێژەیەكی دیاریكراوی دەپارێزێت ئەگەر لە داهاتوودا یانە هۆڵەندیەكە یاریزانەكە بفرۆشێت.
لەو ماوەیەی یاریكردنیدا لەگەڵ بارسێلۆنا، دێست 72 یاری لە سەرجەم پاڵەوانیەتیەكان كرد و توانی سێ گۆڵ بكات.
وەرزی رابردوو دێست بە شێوەی خواستن یاری بۆ ئەی سی میلانی ئیتاڵی كرد.
