بارسێلۆنا گرێبەستی تێر شتیگن نوێدەکاتەوە
یاریگا –
یانەی بارسێلۆنای ئیسپانی، گرێبەستی گۆڵپارێزی تیپەکەی مارک ئاندرێ تێر شتیگن نوێدەکاتەوە.
رۆژنامەنووس فابریزیۆ رۆمانۆ بڵاویکردووەتەوە، بارسێلۆنا زۆر نزیکە لە نوێکردنەوەی گرێبەستی ئاندرێ تێر شتیگنی ئەڵمانی و گۆڵپارێزی سەرەکی تیپەکەی.
بەپێی زانیارییەکانی رۆمانۆ، جارێ شتیگن گرێبەستە نوێیەکەی لەگەڵ یانە کەتەلۆنییەکە واژۆ نەکردووە، بەڵام گفتوگۆکان زۆر پێشکەوتوون.
رۆژنامەنووسە باوەڕپێکراوەکە ئاماژەی بەوەیش کردووە، گرێبەستە نوێیەکەی یاریزانە تەمەن 31 ساڵانییەکە لەگەڵ بارسا تا هاوینی ساڵی 2028 دەبێت.
Barcelona are closing in on Marc André ter Stegen new deal agreement! It’s imminent, not signed yet but very advanced 🔵🔴🇩🇪 #FCB
It will be valid until June 2028; also, salary structure will help the club as first reported by Marca. pic.twitter.com/oQhqgBQnSk
— Fabrizio Romano (@FabrizioRomano) August 19, 2023
شتیگن لە هاوینی 2014 بە بڕی 12 ملیۆن یۆرۆ لە یانەی بۆڕووسیا مونشنگلادباغی ئەڵمانییەوە گواسترایەوە بۆ بارسێلۆنا، بە درێسی یانە کەتەلۆنییەکە بەشداری 378 یاری کردووە، 368 گۆڵی لێکراوە و لە 158 یاریشدا تۆڕی گۆڵەکەی بە خاوێنی پاراستووە.
نازناوێکی چامپیۆنزلیگ، پێنج نازناوی لالیگا، پێنج نازناوی جامی شای ئیسپانیا، یەک نازناوی جامی جیهانی یانەکان، یەک نازناوی جامی سوپەری ئەوروپا و سێ نازناوی جامی سوپەری ئیسپانیای لەگەڵ بارسا بەدەستهێناوە.
