یاریگا
یانەی پاریس سان جێرمان نامەیەکی بۆ کیلیان ئێمباپێ ناردووە و داوای لە هێرشبەرە فەرەنسییەکەی کردووە لە هاوینی 2023 بە بڕیارەکەیاندا بچێتەوە بۆ جێهێشتنی یانەکەیان.
دوای ئەوەی کیلیان ئێمباپێ جارێکی دیکە یانەکەی ئاگادار کردەوە دەیەوێت تا کۆتا ڕۆژی گرێبەستەکەی لە پاریس سانجێرمان بمێنێتەوە، ئێکیپ بڵاویکردووەتەوە کە پاریس سانجێرمان جارێکی دیکە نامەیەکی بۆ ئەو یاریزانە فەرەنسییە ناردووە، ئەمجارەیان بە وردی دەرئەنجامە داراییەکانی ئەگەری چوونی لە یانەکەیان دەخاتە ڕوو، باس لە هاوینی داهاتوو دەکرێت بەخۆڕایی.
یانە فەرەنسییەکە یاریزانەکەی ئاگادار کردووەتەوە ئەگەر بڕە پارەیەک لە فرۆشتنەکەی دەستیان نەکەوایت، دەبێت یاریزانەکانی بفرۆشن بۆ ئەوەی قەرەبووی ئەو زیانە داراییە بکاتەوە و هەروەها سەرلەنوێ چاوێک بە گواستنەوەی یاریزانە لاوەکان بۆ تیپی سەرەکی بخشێنێتەوە.
سەرچاوەکە بڵاویشی کردەوە جگە لەوەش شازادەکان بۆ ئێمباپێیان ڕوونکردۆتەوە کە پێدەچێت کارەکەی ببێتە هۆی دوورخستنەوەی ستافی پاریس سانجێرمان، ئەمەش دەبێتە هۆی ئەوەی تەواوی ئەو بناغەیە بخاتە ژێر پرسیارەوە کە لە یانەکەدا دروستکراوە.
