نرخی بلیت و پاکێجی یارییەکانی پرێمەرلیگ چەندە؟
یاریگا –
پرێمەرلیگ تاوەکو ئێستا بەهێزترین خولە لەسەر ئاستی جیهان، خولێکە پڕە لە دراما و جووڵەی خێرا، ئەمەش وایکردووە، یانەکانی پرێمەرلیگ زۆرترین هەواداریان لە جیهاندا هەبێت و لەڕووی بازرگانیشەوە، قازانجێکی زۆر بکەن.
یانەکانی مانچێستەر سیتی، پاڵەوانی چامپیۆنزلیگ و لیڤەرپوول کە لە چەند ساڵی رابردوودا ناوێکی دیاری نێو چامپیۆنزلیگ بووە، پێشتریش یانەکانی مانچێستەر یونایتد، ئارسیناڵ و چێڵسی بەردەوام قاچێکیان لە قۆناخە کۆتاییەکانی چامپیۆنزلیگ بووە.
زۆربەی هەوادارانی وەرزشی، خەونیان ئامادەبوونە لە یارییەکی پرێمەرلیگ، بەڵام پێش ئەوە، تۆڕی وەرزشی یاریگا تەواوی وردەکارییەکان لەبارەی نرخی بلیت و پاکێجی یارییەکانی پرێمەرلیگتان بۆ روون دەکاتەوە. هەنگاو بە هەنگاو.
نرخی بلیتەکانی پرێمەرلیگ چەندە؟
نرخی بلیتی یارییەکانی پرێمەرلیگ بە چەندین فاکتەر بەندە، زۆربەی یانەکان بە گوێرەی تەمەن نرخی بلیتەکان دیاری دەکەن، بۆ نموونە نرخی بلیتی منداڵ و هەرزەکارێک، لەگەڵ کەسێکی بەتەمەن و خوێندکارێک جیاوازە، بەڵام ئەمەش هاوتەریب نییە لە نێوان تەواوی یانەکان.
یانەکان، کورسییەکانی یاریگایان بەسەر چەندین زۆن دابەش کردووە، ئەمەش بۆ ئەوەی نرخی جیاوازیان لەسەر دابنێت.
نرخی بلیتی یانەکانی پرێمەرلیگ 2023-24
| یانە | یاریگا | نرخ |
|---|---|---|
| ئارسیناڵ | ئیمارات | £28.50 – £103.00 |
| ئاستۆن ڤیلا | ڤیلا پارک | £48.00 – £80.00 |
| بۆرنمس | ڤیتاڵیتی | £28.00 – £53.00 |
| برێنتفۆرد | جی تێک کۆمیونتی | £30.00 – £65.00 |
| برایتن & هۆڤ ئالبیۆن | ئەمێریکان ئێکسپرێس کۆمیونتی | £30.00 – £65.00 |
| بێرنلی | تورف مۆر | £16.00 – £60.00 |
| چێڵسی | ستامفۆرد بریج | £25.00 – £71.00 |
| کریستال پاڵاس | سێلهێرست پارک | £48.00 – £58.00 |
| ئێڤەرتن | گۆدیسن پارک | £55.00 |
| فولهام | کراڤن کوتەیج | £25.00 – £50.00 |
| لیڤەرپوول | ئانفیڵدڕۆد | £9.00 – £60.00 |
| لوتۆن تاون | کێنڵوۆڕس | To be confirmed |
| مانچێستەر سیتی | ئیتیحاد | £58.00 – £75.00 |
| مانچێستەر یونایتد | ئۆڵد ترافۆرد | £36.00 – £58.00 |
| نیوکاسڵ یونایتد | جەیمس پارک | £32.00 – £70.00 |
| نۆتینگهام فۆرێست | سیتی گراوند | £42.00 – £52.00 |
| شێفیڵد یونایتد | برامۆڵ لەین | £32.00 – £47.00 |
| تۆتنهام هۆستپێرز | تۆتنهام هۆتسپێرس | £37.00 – £103.00 |
| وێستهام یونایتد | لەندەن | £50.00 – £100.00 |
| وۆڵڤز | مۆڵینکس | £35.00 – £63.50 |
هەرچەندە یانەکان پێگەی تایبەتیان بۆ فرۆشتنی بلیتەکان دروستکردووە، بەڵام هەندێ جار، هاندەران ناچار دەبن پەنا بۆ دەستی دووش ببەن، پێگەی وەک StubHub یەکێکە لە دیارترین پێگەکانی فرۆشتنی بلیتی یارییەکان، رەنگە هەندێ کات نرخەکانیش جیاوازی ئەوتۆیان نەبێت.
زۆر وریابە، کاتێک بلیتی لە پێگەی دەستی دوو دەکڕیت، دەبێ زۆر بە باشی مەرجەکان بخوێنیتەوە و لە سەرچاوەیەکی باوەڕپێکراو بێت، تاوەکو دووچاری فێڵ نەبیتەوە.
