دوای تەواوبوونی یاری کۆتایی جامی عێڕاق و بە دەستهێنانی پلەی دووەم، سێ یاریزان ڕیزی یانەی هەولێریان جێهێشت.
هەریەک لە حەسەن عاشوڕ بەرگریکاری باڵی چەپ و محەمەدساڵح یاریزانی هێلی ناوەڕاست و ئەحمەدسەرتیپ یاریزانی هێرشبەری یانەی هەولێر لە ئەکاونتی تایبەت بەخۆیان ماڵئاوایی یان لە یانەی هەولێر کرد و وەرزی داهاتوو لەگەڵ یانەکە بەردەوام نابن.
یانەی نەورۆز بۆ وەرزی نوێی خولی پڕۆلیگی عێڕاقی سێ یاریزانی تازەی هێناوەتە ڕیزەکانی، موڕتەزاهەدیب یاریزانی هێلی ناوەڕاستی یانەی نەجەف و موستەفاعەبدولجەلیل یاریزانی هەمان یانە کە لە هێلی بەرگری یاری دەکات بە فەرمی پەیوەندیان بە نوێنەرەکەی شاری سلێمانیەوە کردووە، هەروەها یانەی نەورۆز یاریزانی پیشەگەری گامبی لامین ساماتای بەفەرمی هێنایە ڕیزەکانی و دوێنێ ئێوارە 6/8/2023 گرێبەستەکەی واژۆکرا.
نەورۆز چەند ڕۆژێک لە مەوبەر گرێبەستی ڕاهێنەری یانەکەی وەلی کەریمی بۆ وەرزی داهاتوو نوێکردەوە.
