گۆنچالۆ رامۆس پەیوەندی بە پاریس سانجێرمان دەکات

یاریگا –

گۆنچالۆ رامۆسی پۆرتوگالی پەیوەندی بە یانەی پاریس سانجێرمانی فەڕەنسی دەکات.

رۆژنامەنووس فابریزیۆ رۆمانۆ بڵاویکردووەتەوە، پاریس سانجێرمان نزیکە لە یەکلایی کردنەوەی گرێبەستی هێرشبەری یانەی بێنفیکای پۆرتوگالی کۆنچالۆ رامۆس.

بەپێی زانیارییەکانی رۆمانۆ، پاریس و بێنفیکا لە قۆناخی کۆتایی یەکلایی کردنەوەی گرێبەستەکەن، لەم هەفتەیە سەرجەم کارەکانی گواستنەوەی رامۆس بۆ سانجێرمان کۆتایی دێت.

Paris Saint-Germain are closing in on Gonçalo Ramos deal! Agreement very close, final details being sorted — it could completed this week 🚨🔴🔵

€80m package fee to Benfica, add-ons included.

Ramos agreed contract until June 2028.

Here we go expected very soon. pic.twitter.com/3Ubtafy9Tc

— Fabrizio Romano (@FabrizioRomano) August 2, 2023

بە پێی هەمان سەرچاوە، تێچووی گرێبەستەکە 80 ملیۆن یۆرۆیە و پارەی زیادکراویش لەخۆ دەگرێت، هاوکات هێرشبەرە تەمەن 22 ساڵانییەکە تا هاوینی 2028 دەبێت بە یاریزانی یانە فەڕەنسییەکە.

رامۆس لەژێر چاودێری یانەی مانچێستەر یونایدتی ئینگلیزی بوو، شەیتانە سوورەکان وەک یەدەگێک لە ئەگەری سەرنەکەوتنی گرێبەستی هۆیلوندی دانیماریکی تەماشایان دەکرد.

بەڵام پاش یەکلایی بوونەوەی گرێبەستی هێرشبەرەکەی ئاتڵانتا لە بەرژەوەندییان، شەیتانە سوورەکان لە گرێبەستکردن لەگەڵ رامۆس کشانەوە و گۆڕەپانەکەیان بۆ پاریس چۆڵکرد.

گۆنچالۆ رامۆس بە درێسی یانەی بێنفیکا 106 یاری کردووە، 41 گۆڵی بۆ یانەکەی کردووە و 16 گۆڵیشی درووست کردووە.