یاریگا –
جیانلویجی بوفۆن، گۆڵپارێزی ئیتاڵی بەشێوەیەكی فەرمی وازهێنانی یەكجاری لە یاریكردن راگەیاند.
بوفۆنی تەمەن 45 ساڵان لە هەژماری تایبەتی خۆی لە تۆڕی كۆمەڵایەتی ئینستاگرام پارچە ڤیدیۆیەكی بڵاوكردەوە و تێیدا وازهێنانی یەكجاری لە یاریكردن راگەیاند.
That's all folks!
You gave me everything.
I gave you everything.
We did it together. pic.twitter.com/bGvIDsoFsG— Gianluigi Buffon (@gianluigibuffon) August 2, 2023
گۆڵپارێزە ئیتاڵیەكە لە ساڵی 1995 لە یانەی پارماوە دەستی بە یاریكردن كرد و بۆ ماوەی شەش ساڵ لەو یانەیە بەردەوام بوو، لە ساڵی 2001 پەیوەندی بە یوڤێنتوسەوە كرد و مێژووە پڕ شانازییكەی لەگەڵ ئەو یانەیە دەستپێكرد.
لە ساڵی 2001 تا ساڵی 2018 لەگەڵ خانمە پیرەكە بەردەوام بوو لە یاریكردن، پاشان وەڕزی 2018/2019 پەیوەندی بە پاریس سان جێرمانەوە كرد و دواتر گەڕایەوە یوڤێنتووس.
لە ساڵی 2021 تا 2023 گەڕایەوە یانەكەی سەرەتایی یاریكردنی كە پارما بوو لەو یانەیەش كۆتایی بە كاروانە پڕ شكۆكەی هێنا.
نازناوەكانی بوفۆن لەگەڵ هەڵبژاردەی ئیتاڵیا:
جیجی لە ساڵی 2006 لەگەڵ هەڵبژاردەی نیشتیمانی توانی نازناوی جامی جیهانی ببەنەوە.
نازناوەكانی بوفۆن لەگەڵ یانەكان:
خولی ئیتاڵیا 10 جار، خولی فەڕەنسا 1 جار، یۆرۆپالیگ 1جار، جامی ئیتاڵیا 6 جار، جامی ئیتاڵیا 7 جار، سوپەری فەڕەنسا 1 جار.
