یاریگا –
فێران تۆرێس، هێرشبەری ئیسپانی یانەی بارسێلۆنا دەیەوێت لە ریزەكانی یانەكەی بۆ یارییەكانی وەرزی نوێ بەردەوام بێت.
لە لێدوانێكیدا كە رۆژنامەی سپۆرت بڵاویكردووەتەوە فێران ووتی: من زۆر دڵخۆشم، بە هێز و توانایەكی زۆرەوە خۆم بۆ یارییەكانی وەرزی نوێ ئامادە دەكەم، پلانم ئەوەیە لێرە بمێنمەوە و پەیوەندیم لەگەڵ بارسێلۆنا بەردەوام دەبێت.
پێشتر چەند سەرچاوەیەك ئاماژەیان بەوە دەكرد كە یانەی ئاستۆن ڤێلای ئینگلیزی گرنگی بە گواستنەوەی هێرشبەرە ئیسپانیەكە دەدات و لەو بارەیەوە فێران ووتی: نازانم، مۆبایلەكەم لەسەر دۆخی فڕۆكە( airplane ) ە ونامەكان ناخوێنمەوە، لە 10 مانگی داهاتوو مۆبایلەكەم دەكەمەوە، گرێبەستم هەیە و دەمەوێت بەردەوام بم.
Ferran Torres confirms: “I can’t wait to continue at Barcelona. I’m really happy at Barça and my plan is to continue at the club”. 🔵🔴 #FCB @JijantesFC
Despite links to Aston Villa move, no concrete talks and no plan to leave at this stage. pic.twitter.com/ftN7VJzY6o
— Fabrizio Romano (@FabrizioRomano) June 30, 2023
تۆرێس لە درێژەی لێدوانەكانیدا ووتی: من دوورم لە رۆژنامەكان، تەنیا سەرنجم لەسەر ئەوەیە كە هی منە، راهێنانەكان، ئامادەكاری وەرزی نوێ.
بەردەوام بوو ووتی: من یاریزانێکی زۆر باشم، بەڵام بەهۆی هەندێک بارودۆخەوە تا ئێستا نەمتوانیوە ئەوە بسەلمێنم، دەمەوێت لە بارسێلۆنا بەردەوام بم و رووبەڕووی ئاستەنگی نوێ ببمەوە.
یانە كەتەلۆنییەكە لە گواستنەوەكانی هاوینەدا هەریەك لە یاریزانان میكایل فەی و ئێلكای گوندۆگانی گواستووەتەوە.
