دوو یانەی سعودی رامۆسیان دەوێت
یاریگا –
دوو یانەی سعودی كێبڕكێی بەدەستهێنانی واژۆی سێرجیۆ رامۆس ئەستێرەی هەڵبژاردەی ئیسپانیا و یانەی پاریس سان جێرمانی فەڕەنسی دەكەن.
بە شێوەیەكی فەرمی و دوای كۆتاییهاتنی گرێبەستەكەی لەگەڵ پاریس سان جێرمان سێرجیۆ رامۆس ریزەكانی یانە فەڕەنسیەكەی جێهێشت و بە ئۆفەری یانەكە رازی نەبوو بۆ نوێكردنەوەی گرێبەستەكەی.
Le Paris Saint-Germain se réjouit d’avoir vu @SergioRamos défendre ses couleurs avec une telle détermination et lui souhaite très sincèrement le meilleur pour la suite de sa carrière. #MerciRamos 🔴🔵 pic.twitter.com/HFSR0kS4W8
— Paris Saint-Germain (@PSG_inside) June 2, 2023
بەپێی زانیارییەكانی تۆڕی فوت مێركاتۆ ـی فەڕەنسی یانەی داهاتووی رامۆس لە وڵاتی سعودیەیە دوای ئەوەی لە چەند رۆژی رابردوودا چەند گرێبەستێكی بەدەست گەیشت.
هەمان سەرچاوە ئاشكرایكردووە، رامۆس ئۆفەرێكی لەلایەن هیلال بەدەست گەیشتووە بە موچەی ساڵانەی 30 ملیۆن یۆرۆ و بەدەستیهێنانی بۆ ماوەی دوو وەرز.
هەروەها لەلایەكی دیكەوە یانەی نەسڕی هەمان وڵات بە سەرۆكایەتی مسەلی ئەل معمەر دەیەوێت بە هەبوونی كریستیانۆ رۆناڵدۆ لە یانەكە رامۆس رازی بكات و دووبارە بەیەكەوە كۆیان بكاتەوە.
رامۆس لەگەڵ پاریس 57 یاری كرد شەش گۆڵی تۆمار كرد و سێ نازناوی بردەوە.
