یاریگا –
ئۆلیڤەر کان ئەو دەنگۆیانە رەتدەکاتەوە، کە باس لە تووڕەیی ئەو دەکەن، لە دوای بیستنی هەواڵی دوورخستنەوە لە پۆستی بەڕێوەبەری جێبەجێکاری بایرن میونشن.
ئەفسانەی ئەڵمانیا لە دوای یارییەکەی میونشن بەرامبەر کۆڵن و بردنەوەی نازناوی بۆندسلیگا، لە پۆستەکەی دوورخرایەوە، بەڵام کان رەتدەکاتەوە تووڕە بووبێت، ئەو کاتەی هێربێرت هاینەر، سەرۆکی میونشن هەواڵەکەی پێگەیاندووە.
Die Behauptung, dass ich ausgerastet bin, als ich über die Abberufung informiert wurde, stimmt definitiv nicht. Ich habe am Freitag einen Anruf von Herbert Hainer bekommen, in welchem mir die Entscheidung mitgeteilt wurde. Es war ein ruhiges und sachliches Gespräch. Ich habe…
— Oliver Kahn (@OliverKahn) May 28, 2023
کان لە تویتەر، روونکردنەوەی لەبارەی رەتکردنەوەی دەنگۆکاندا و نووسیویەتی
ئەو هەواڵانەی باس لە توڕەبوونی من دەکەن، ئەو کاتەی هەواڵی دوورخستنەوەی پێگەیشتووە، بە تەواوی رەتدەکەمەوە. سەرۆکی یانە هێربێرت هاینەر، تەلەفونی بۆ کردم و بڕیارەکەی پێڕاگەیاندم، دۆخەکە زۆر ئارام بوو و گفتوگۆییەکی نەرممان کرد. تەنیا پرسیارم لەبارەی هۆکاری بڕیارەکە کرد. رێگەم پێنەدرا رۆژی شەممە بچم سەیری یارییەکە بکەم، ئەو بڕیارەشم قبوڵکرد و هیچ کاردانەوەم نەبوو. بە دڵنیاییەوە نیگەرانم بەڵام زۆریش دڵخۆشم بە بردنەوەی نازناوی بۆندسلیگا.
یانە ئەڵمانییەکە بەر لە بەرزکردنەوەی نازناوی بۆندسلیگا، هەریەکە لە ئۆلیڤەر کان، بەڕێوەبەری جێبەجێکار و حەسەن ساڵح حەمیدیچ، بەڕێوەبەری وەرزشی لە پۆستەکانیان دوورخرانەوە.
یان کریستیان لە شوێنی ئۆلیڤەر کان، بووە بەڕێوەبەری جێبەجێکاری یانە باڤارییەکە و تاوەکو ئێستا شوێنگرەوەی حەمیدیچ دیاری نەکراوە.
تیمەکەی تۆماس توخێل هیچ یارییەکی لەم وەرزەدا نەماوە، دوای دەرکرانیان لە جامی ئەڵمانیا و چامپیۆنزلیگ.
