یاریگا
ئەمشەو هەردوو یانەی هەولێر و دهۆک لە قۆناغی شازدەی جامی عێراق رووبەڕووی رکابەرەکانیان بونەوە.
یانەی هەولێر لە یاریگای شەهید فەرەنسۆ حەریری میوانداری یانەی نەفتی وەسەتی کرد و یارییەکەشی بە ئەنجامی 2-1 بردنەوە و بۆ جاری سێیەم گەیشتە قۆناغی چارەکی کۆتایی جامی عێراق.
دوو گۆڵەکە یانەکەی قەڵا و منارە ئەمجەد رازی لە خولەکەکانی 55 و 69 تۆماری کرد و تاکە گۆڵی یانەی میوانیش لوکاس سانتۆ لە خولەکی 30 تۆماری کرد.
لەلایەکی دیکەوە یانەی دهۆکیش لە هەمان قۆناغی جامی عێراق میوانداری یانەی تەڵەبەی کرد و یارییەکەیان بە ئەنجامی 0-1 دۆڕاند و ماڵئاواییان لە جامەکە کرد.
