ئیسپانیا
وادەی گەڕانەوەی عوسمان ئاشکرا بوو
یاریگا
عوسمان دێبملی هێرشبەری فەرەنسی یانەی بارسێلۆنای ئیسپانیا کۆتاییەکانی ئەم مانگە و دوای مانگی پیرۆزی رەمەزان دەگەڕێتەوە یاریگاکان.
رۆژنامەی وەرزشی مۆندۆ دێپۆرتیڤۆی کەتەلۆنی بڵاویکردەوە، هێرشبەرە فەرەنسیەکەی بلاوگرانا 14 یاریی یانەکەی بەهۆی پێکانەکەی سەرەتای مانگی ئەمساڵ دابڕاوە، ئەو یاریزانە کۆتاییەکانی ئەم مانگە دەگەرێتەوە.
رۆژنامە کەتەلۆنیەکە هێمای بۆ ئەوەش کردووە، سەرەتا بڕیاروابوو سەرەتاکانی ئەم مانگە عوسمان دەست بە یاریکردن بکاتەوە، بەڵام تیمی پزیشکی بڕیاریداوە تاوەکو کۆتایی مانگی رەمەزان دەست بە یاریکردن نەکاتەوە.
مۆندۆ ئاماژەی بەوەشکردووە عوسمان دێمبلی بۆ یاریی بارسێلۆنا بەرامبەر رایۆ ڤایێکانۆ کە لە رۆژی 26 ئەم مانگە بەرێوەدەچێت بەردەست دەبێت و دەگەڕێتەوە یاریگاکان.
