یاریگا –
ئەنتۆنیۆ كاسانۆ، یاریزانی پێشووی هەڵبژاردەی ئیتاڵیا و یانەی ریال مەدریدی ئیسپانی هێرشدەكاتە سەر جۆزێ مۆرینیۆ راهێنەری پۆرتوگالی یانەی رۆمای ئیتاڵی.
زۆربەی سەرچاوەكان ئاماژە بەوە دەكەن كە لە گواستنەوەكانی هاوینەدا كارلۆ ئانچێلۆتی ریزەكانی ریال مەدرید جێدەهێڵێت و پەیوەندی بە هەڵبژاردەی بەڕازیلەوە دەكات و ناوی چەند راهێنەرێك بۆ شوێنگرتنەوەی لە ریال مەدرید دانراوە یەكێك لەوانە مۆرینیۆیە.
كاسانۆ لەو بارەیەوە گووتی: نازانم چۆن مۆرینیۆ ئەو دەستكەوتانەی بەدەستهێناوە، ئەو تەنیا وەك ئەكتەرێكی سینەما وایە ، هیچ بیرۆكەیەكی نیە كە رۆما چۆن ئەو ئەنجامانەی بەدەستهێناوە، بە لای منەوە كە ئێستا راهێنەری ریال مەدرید بێت وەك ئەوەی راهێنەری سان مارینۆ بێت وایە.
بەردەوام بوو گووتی: دەتوانێت بگەڕێتەوە بۆ راهێنەرایەتی یانەی ریال مەدرید، چونکە ئانچێلۆتی دەتوانێت بچێتە بەرازیل، بەڵام تەنیا بەهۆی ئەو شکۆیەی کە دروستی کردووە، چونکە لەرڕابردوودا سەرکەوتنی بەدەستهێناوە، ئەگەر ریال مەدرید بەڕاستی ئارەزووی یاریکردنی تۆپی پێ بوایە پەیوەندییان پێوە نەدەکرد، ئەگەر هەڵبژاردەی سان مارینۆ بیەوێت یاری تۆپی پێ بکات بەبێ گرنگیدان ئەوا پەیوەندیان بە مۆرینیۆوە دەكرد.
🤨"Si el REAL MADRID quiere un ENTRENADOR, que NO SEA MOURINHO"
🎙️Son palabras de Antonio Cassano. ¿Estás de acuerdo con él? #JUGONES pic.twitter.com/uLukl31DtF
— El Chiringuito TV (@elchiringuitotv) April 7, 2023
لە كۆتایشدا گووتی: بە لەبەرچاوگرتنی ئەوەی ماوریسیۆ ساری لە لازیۆ پێشکەشی دەکات، مۆرینیۆ حەزی لە کارکردن نییە و نازانێت چۆن پەیوەندی لەگەڵ کەسانی دیکەدا بکات، بە مێژووەكەی فریو مەخۆن.
