یاریگا
کارگێری یانەی ئێلچێ ئیسپانیا بەهۆی بەشداری کردنی گاڤی یاریزانی ناوەڕاستی بارسێلۆنا لە یاریی یانەکەیان بەرامبەر ئەو یانەیە، دەیەوێت سکاڵا لە دژی بەرامبەرەکەی تۆمار بکات.
رادیۆی کۆپێ ئیسپانی بڵاویکردەوە، یانە ئیسپانیەکە بە بیانۆی ئەوەی ناوی ناوەڕاستکارە لاوەکەی بلاوگرانا لە تیپی یەکەم تۆمار نەکراوە، ئەو یاریزانە بەشێوەیەکی نایاسایی بەرامبەر یانەکەیان یاریی کردووە.
بەم هۆیەوە ئەو یانەیە دوای دۆڕانەکەی بەرامبەر بارسا بە ئەنجامی 0-4 لە گەڕی 27 لالیگا، سکاڵایەکی ئامادە کردووە و داوای 3 خاڵی یارییەکە دەکەن.
ئەم سکاڵایەی یانەی ئێلچێ بە بیانۆی ئەوە دێت، هەفتەی رابردوو دادگای بازرگانی ئیسپانیا رەتیکردەوە رێگە بە یانەی بارسێلۆنا بدرێت ناوی گاڤی لە تیپی یەکەم تۆمار بکرێت.
