خووله‌کانی دیکە
رۆناڵدۆ ریکۆردێکی مێژوویی نوێی تۆمارکرد
کریستیانۆ رۆناڵدۆ ژمارەی پێوانەیی زۆرترین یاری یاریزانێکی لەگەڵ هەڵبژاردەدا شکاند.
شەوی رابردوو، پۆرتوگال یەکەم یاری خۆی لەگەڵ رۆبێرتۆ مارتینێزی راهێنەری نوێ ئەنجامدا و تێیدا ٤-٠ شکستییان بە لیشنشتاین هێنا. کریستیانۆ لەو یارییەدا دوو گۆڵی بە لێدانی سزا و لێدانی راستەوخۆ تۆمارکرد.
بەر لەوەی یارییەکە دەست پێبکات و بە پێشکەشکردنی ناوی کریس لە پێکهاتەی سەرەکی تیمەکەدا، بەفەرمی ژمارەی یارییە نێودەوڵەتییەکانی گەیاندە ١٩٧ یاری.
بەوەش پێش بەدر موتەوەعی کوەیتی کەوت کە ئەویش هێشتا بەردەوامە لە یاریکردن و هاوتەمەنی رۆناڵدۆیە بە ٣٨ ساڵ. سبەینێ بەدر لەگەڵ کوەیت رووبەرووی فیلیپین دەبنەوە و لەباری یاریکردنی دا، دووبارە ژمارە پێوانەییەکە یەکسان دەکاتەوە.
