یاریگا
کارگێری یانەی تۆتێنهامی ئینگڵتەڕا، سوورە لەسەر هێشتنەوە و نوێکردنەوەی گرێبەستی هاری کەین هێرشبەری یانەکەی.
فابریزیۆ رۆمانۆ رۆژنامەنوسی ئیتاڵی ئاشکرای دەکات، کارگێری سپێرز ماوەیەکە دەیەوێت ئۆفەرێکی نوێ پێشکەشی گۆڵکاری یانەکەی بکات، بۆ ئەوەی چەند ساڵێکی دیکە گرێبەستەکەی نوێ بکاتەوە. لە کاتێکدا ئەو یاریزانە هاوینی رابردوو زۆر هەوڵیدا بەرپرسانی یانەکەی رازی بکات بۆ ئەوەی یانەکەی جێبێڵێت و پەیوەندی بە مانچێستەر سیتی بکات، بەڵام هەوڵەکانی بێ سوود بوون و ناچار لەگەڵ یانەکەی بەردەوام بوو.
هاری کەین هێرشبەرە 29 ساڵیەکەی یانەی تۆتێنهام هاوینی ساڵی 2024 گرێبەستەکەی لەگەڵ یانەکەی کۆتایی دێت، دەنگۆیەکیش هەیە یانە لەندەنیەکە دەیەوێت گرێبەستەکەی تاوەکو هاوینی ساڵی 2027 نوێ بکاتەوە.
