یاریگا
داڤید دی خیای ئیسپانی و گۆڵپارێزی یانەی مانچێستەر یۆنایتدی ئینگلیزی ژمارەیەكی پێوانەیی نوێی لەگەڵ یانەكەی تۆماركرد.
شەوی رابردوو لە یاری كۆتایی كاراباو كەپدا لە یاریگای وێمبڵی هەردوو یانەی مانچێستەر یونایتد و نیوكاسڵ یونایتد رووبەڕووی یەك بوونەوە و یاریەكەش لە بەرژەوەندی شەیتانە سورەكان بە ئەنجامی دوو گۆڵی بێ وەڵام كۆتایی هات.
دی خیا سەركردایەتی یانەكەی كرد بۆ بردنەوەی نازناوەكە و شەشەم نازناوی كاراباو كەپ لە مێژووی یانەكەدا.
گۆڵپارێزە ئیسپانیەكە لە یاریەكەدا توانی تۆڕی گۆڵەكەی بە خاوێنی بهێڵێتەوە.
دی خیا توانی ببێتە تاكە گۆڵپارێزی مانچێستەر یونایتد كە لە 181 یاریدا بتوانێت تۆڕی گۆڵەكەی بە خاوێنی بهێڵێتەوە و پێش پیتەر شمایكل كەوت كە 180 یاری گۆڵی لێ تۆمار نەكرابوو.
