یاریگا-
خوان لاپۆرتا، سەرۆكی یانەی بارسێلۆنای ئیسپانی باس لە پلانەكانی یانەكەی بۆ بازاڕی گواستنەوەی زستانەی یاریزانان دەكات و هەروەها باس لە ئەگەری دووبارە گەڕاندنەوەی لیۆنێل مێسی بۆ ڕیزەكانی یانەكەیان دەكات.
لاپۆرتا چاوپێکەوتنێکی درێژخایەنی لەگەڵ تۆڕی “کادینا سێر”ی ئیسپانی ئەنجامدا و لە میانەی چاوپێكەوتنەكەیدا باسی لە زۆر بابەتی تایبەت بە یانەكەی كرد.
لاپۆرتا لەسەرەتادا باسی لە ئەگەری گواستنەوەی بێرناردۆ سێلڤا، یاریزانی هێڵی ناوەڕاستی یانەی مانچێستەر سیتی کرد و وتی: 80 ملیۆن یۆرۆ نادەین بۆ گواستنەوەی.
سەبارەت بە هالاند ووتی: دەبینین لە مانچیستەر سیتی چی دەکات، بەڵام لە ئێستادا لیڤاندۆڤسکیمان هەیە کە کاری زۆر باش دەکات.
هەروەها باسی لە شکستهێنانی دانوستانەکانی نوێکردنەوەی گرێبەستی لیۆنێل مێسی ئەرجەنتینی و ئەفسانەی یانەكەی لە هاوینی 2021 کرد.
لاپۆرتا دەڵێت: دەبوو بارسێلۆنا بخەمە پێشەوە، تەنانەت لەسەر حیسابی باشترین یاریزانی مێژووی تۆپی پێ.
ئاماژەی بەوەشکرد: لەو ساتانەی وێرانکاری و قەیرانی دارایی یانەكەدا نەمتوانی بیهێڵمەوە، پێموایە باشترین شت بوو بۆ یانەکە، ئێستا یاریزانێکە لە پاریس سانجێرمان و لەبری ئەوەی سەرنجمان لەسەری بێت، سەرنجمان لەسەر بارسێلۆنایە .
لە كۆتایشدا ووتی: مێسی هەمیشە لە چوارچێوەی دروشمی ئێمەدا دەمێنێتەوە، منیش پێم خۆشە کۆتاییەکەی جیاواز بێت لەوەی ڕوویدا، چەند بژاردەیەک هەیە، بەڵام هەڵە دەبم ئەگەر بڵێم لە ئێستادا یانەکە دەیەوێت بیگەڕێنێتەوە
