یاریگا–
یوسوفا موکوکو، هێرشبەری ئەڵمانی یانەی بورووسیا دۆرتمۆندی ئەڵمانیا، دەیەوێت هاوینی داهاتوو پەیوەندی بە یانەی بارسێلۆنای ئیسپانیاوە بکات.
رۆژنامەی سپۆرتی کەتەلۆنی ئاشکرای دەکات، هێرشبەرە لاوەکەی زەردەواڵەکان، ئۆفەری یانەکەی بۆ نوێکردنەوەی گرێبەستەکەی رەتکردووەتەوە، ئەویش لە پێناو ئەوەی هاوینی داهاتوو بێ بەرامبەر، پەیوەندی بە ریزەکانی یانە کەتەلۆنیەکەوە بکات. کارگێری ئەو یانەیەش ماوەیەکە هەوڵەکانیان بۆ رازیکردنی یاریزانە ئەڵمانیەکە دەستپێکردووە.
یوسوفای 18 ساڵی هاوینی ساڵی 2023 گرێبەستەکەی لەگەڵ بورووسیا دۆرتمۆند کۆتایی دێت، ئەگەر بێتو گرێبەستەکەی نوێ نەکاتەوە، ئەو کات بێ بەرامبەر پەیوەندی بە بارسێلۆنا دەکات.