لێدوانی پێلێ سەبارەت بە بارودۆخی تەندروستی
یاریگا-
پێلێ، ئەفسانەی پێشووی هەڵبژاردەی بەڕازیل بەیاننامەیەكی فەرمی سەبارەت بە بارودۆخی تەندروستی خۆی و دواین وردەكاریەكانی بڵاوكردەوە.
لە چەند ڕۆژی ڕابردوودا بەهۆی تێكچوونی باری تەندروستیەوە پێلێ ڕاوانەی نەخۆشخانەیەكی ساوپاولۆ كرا.
ئەفسانەكەی پێشووی سامبا لە هەژماری تایبەتی خۆی لە تۆڕی كۆمەڵایەتی ئینستاگرام نووسیویەتی: هاوڕێیان دەمەوێت هەمووان ئارام بن و بە ئەرێنی بمێننەوە، من بەهێزم و ئومێدێكی زۆرم هەیە و وەك هەمیشە بەردەوامم لە چارەسەركردن، دەمەوێت سوپاسی تەواوی تیمی پزیشکی بکەم بۆ ئەو هەموو چاودێریەی لە دوایین کاتژمێرەکاندا وەرمگرتووە.
هەروەها نووسیویشیەتی: من هێندە باوەڕم بە خودا هەیە كە هەر پەیامێكی ئێوە لە هەر جێیەكی دونیاوە كە وەریدەگرم پڕ وزەم دەكات، بەردەوام دەبم لە سەیركردنی بەڕازیل لە یاریەكانی جامی جیهانی ، سوپاس بۆ هەمووتان بۆ هەموو شتێك.
