یاریگا–
لیۆنێل سکالۆنی، راهێنەری هەڵبژاردەی ئارجێنتینا بڕیاریداوە گۆڕانکاری لە لیستی یاریزانە بانگهێشتکراوەکانی هەڵبژاردەکەی بۆ مۆندیالی 2022 بکات.
راهێنەرەکەی تانگۆ دوای یارییە دۆستانەکەی بەرامبەر ئیماڕات گووتی “ من دەسەڵاتی ئەوەم هەیە گۆڕانکاری لە لیستی یاریزانە بانگهێشتکراوەکان بکەم، چەند یاریزانێک بەشداری ئەو یارییەیان نەکرد و ئەمەش بێ هۆکار نیە و دواتر بڕیار لەسەر ئەو یاریزانانە دەدەم کە ئاستیان وەکو پێویست نیە “.
لەلایەن خۆیەوە رۆژنامەی وەرزشی Tyc Sport زانیاری دەستکەوتووە، هەر یەکە لە مارکۆس ئاکۆنیا و نیکۆلاس گۆنزالێز لە هەڵبژاردەی ئارجێنتینا دوور دەخرێنەوە.
