فەرمی: لیڤاندۆڤسكی خەڵاتی پێڵاوی ئاڵتونی بردەوە

یاریگا-

ڕۆبەرت لیڤاندۆڤسكی پۆڵەندی و ئەستێرەی ئێستای یانەی بارسێلۆنا و پێشتری یانەی بایرن میونشن خەڵاتی پێڵاوی ئاڵتونی بۆ وەرزی 2021/2022 بردەوە.

لیڤاندۆڤسكی توانی زۆرترین گۆڵ تۆمار بكات لە وەرزی ڕابردوودا لە سەرجەم خولە بەهێزەكانی ئەوروپا و توانی 35 گۆڵ تۆمار بكات لەگەڵ بایرن میونشن.

ئەمڕۆ لە ئاهەنگێكدا هێرشبەرە پۆڵەندیەكە خەڵاتەكەی لەلایەن كارلۆس پۆیۆلی ئەستێرەی پێشووی بارسێلۆناوە پێدرا.

شایەنی باسە بۆ دووەمجارە لیڤاندۆڤسكی دەتوانێت پێڵاوە ئاڵتونیەكە بباتەوە.