کیسێ ماوەیەکی زۆر دووردەکەوێتەوە

فرانک کیسێ ناوەڕاستکاری یانەی بارسێلۆنا  تا ساڵی ئاییندە ناگەڕێتەوە یاریگاکان.

ناوبراو لە یارییەکەی بەرامبەر ڤیکتۆریا پلزن تووشی پێکان هات و پشكنینە پزیشکییەکانیش نیشانیان دا ئەو یاریزانە لانیکەم دوو مانگ دووردەکەوێتەوە.

ئەمە لە کاتێکدایە فرانک بە کەمی لە پلانەکانی چاڤی هێرناندێز دا دەردەکەوێت و نەیتوانیوە متمانەی راهێنەرەکەی بەدەست بهێنێت. لە چەند رۆژی رابردووش دەنگۆی ئەوە هەبوو ئەو یاریزانە لە گواستنەوەی زستانەدا بارسێلۆنا جێبهێڵێت و یەکیک لە ئەگەرەکانیش گەڕانەوەی بوو بۆ میلان.