یاریگا-
یانەی ئەستۆن ڤێلای ئینگلیزی بە شێوەیەكی فەرمی ستیڤن جیراردی ئینگلیزی و ڕاهێنەری یانەكەی لە پۆستەكەی دوورخستەوە.
شەو ڕابردوو فولهام لە یاریگای خۆیدا میوانداری ئەستۆن ڤێلای كرد و توانی یاریەكەی بە سێ گۆڵی بێ وەڵا لێ بباتەوە لە میانەی یاریەكانی هەفتەی دوانزەیەمی پریمەرلیگ.
لە دوای یاریەكە هەژماری فەڕمی ئەستۆن ڤێلا لە تۆڕی كۆمەڵایەتی تویتەر بەیاننامەیەكی بڵاوكردەوە و تێیدا ڕایگەیاند كە ستیڤن جیرارد لە پۆستی ڕاهێنەرایەتیكردنی یانەكە دوورخرایەوە.
ئەستۆن ڤێلا بە كۆكردنەوەی 9 خاڵ لە ڕیزبەندی 17یەمی پریمەرلیگ دێت.
