فیۆرەنتینا وەڵامی یانەی هارتس دەداتەوە: ئاوی گرتمان نەبوو!
یاریگا-یانەی فیۆرەنتینا روونکردنەوە دەدات لەسەر رەخنەکانی یانەی هارتس بەهۆی جێهێشتنی ژووری خۆگۆڕین بە پیسیی و شێواویی.
هاندەرانی یانە سکۆتلەندییەکە، یاریزانەکانی ڤیۆلایان بە لوتبەرز و بێ رەوەشت ناوبرد بەهۆی گرتە ڤیدیۆییەک کە لە ژووری خۆگۆڕینی یاریگای هارتس بڵاوبووەوە پاش یاری نیوانیان.
ڤیۆلا لە بەیاننامەکەیدا دەڵێت ئەوان هەر پاش یارییەکە راستەوخۆ راپۆرتیان گەیاندووەتە یوفا و رەنگە هارتس سزابدرێت بەهۆی خراپی خزمەتگوزارییە لۆجیستیکییەکانی یاریگاکەیان و تەنانەت ئاوی گرم نەبوو بۆ خۆشتنی یاریزانەکان، بەڵکو گەڕاوەنەتەوە هۆتێل و لەوێ خۆیان شتووە.
فیۆرەنتینا یارییەکەی بە ئەنجامی ٣-٠ بردەوە و یەکەم بردنەوەی یانە ئیتاڵییەکە بوو لە کۆنفرانس لیگ
Fiorentina players dressing room after the visit at Tynecastle last night@ACFFiorentinaEN pic.twitter.com/tDapW8JUkM
— Scottish Football Away Days (@days_scottish) October 7, 2022