ئینتەر میلان لەگەڵ یاریزانێک گەیشتە رێکەوتن

یاریگا–
کارگێری یانەی ئینتەر میلانی ئیتاڵی لەگەڵ یانەی کالیاری رێککەوتووە بۆ گواستنەوەی رائول بلانۆڤای تەمەن 22 ساڵی ئیتاڵی.

جیانلوکا دی مارزیۆ، رۆژنامەنوسی ئیتاڵی بڵویکردەوە کارگێری یانەی کالیاری پێشنیاری دەستکاریکراوی ئۆفەری نێرقزۆری قبوڵکردووە بۆ گواستنەوەی ڕائول بلانۆڤا. بەپێی رێککەوتنی نێوان هەردوو یانە، ئینتەر بڕی سێ ملیۆن یۆرۆ دەداتە کالیاری بۆ گواستنەوەی بلانۆڤا بەشێوەی خواستن، هەروەها بڕگەی کڕینی یاریزانەکە بە حەوت ملیۆن یۆرۆ دیاری کراوە.

چەند ڕۆژێک لەمەوبەر کالیاری بە خواستن نزیکەی یەک ملیۆن یۆرۆی داوە بە یانەی بۆردۆ، بەمەش گرێبەستی خواستن یاریزانی پێشووی تیپەکانی لاوانی میلان بووە هەمیشەیی.