ئایا دەچیتە ڕیاڵ مەدرید؟ مانێ وەڵام دەداتەوە

یاریگا-

سادیۆ مانێی سەنیگالی و ئەستێرەی یانەی لیڤەرپولی ئینگلیزی وەڵامی ئەو پرسیارە دەداتەوە كەئایا پەیوەندی بە ڕیزەكانی ڕیاڵ مەدریدەوە دەكات.

گرێبەستەكەی مانێ لەگەڵ لیڤەرپول لە هاوینی ساڵی داهاتوودا بەسەردەچێت و تا ئێستاش نەگەشتوونەتە ڕێككەوتن بەمەبەستی نوێكردنەوەی گرێبەستەكەی.

كاتێك پرسیارەی لێكرا ئایا پەیوەندی بە ڕیاڵ مەدریدەوە ناكەیت مانێ ووتی: پرسیارێكی جوانە، بەڵام ئەوەی دەمەوێت بیڵێم ئەوەیە كە لە ئێستادا تەنها بیرمان لای یاری كۆتایی چامپیۆنزلیگە، بۆ من و هاندەرانی لیڤەرپولیش ئەوە گرنگترین شتە.

هەروەها ووتیشی: هەموو شتەكانی دیكە گرنگ نین بۆم ، گرنگ ئەوەیە چی لە تواناماندا بێت بەكاری بهێنین تا بتوانین لە یاری كۆتاییدا براوە بین.

وا بڕیارە ڕۆژی شەممە كاتژمێر 22:00 هەردوو یانەی ڕیاڵ مەدرید و لیڤەرپول لە یاری كۆتایی چامپیۆنزلیگ ڕووبەڕووی یەك ببنەوە.