جێرماین دیفۆی وازهێنانی لە یاریکردن راگەیاند

گۆڵکاری مێژوویی پریمەرلیگ جێرماین دیفۆی بەفەرمی وازهێنانی راگەیاند.

لە بەیاننامەکەی دیفۆی هاتووە “بڕیارێکی قورسە و لەگەڵ کەسە نزیکەکانم و خێزانەکەم داومانە، ٢٢ ساڵە لە یاریگاکاندام و تەمەنم تەنها ١٧ ساڵ بوو لە ١٩٩٩ کە دەستم پێکرد، پێم وایە ئێستا کاتێکی گونجاوە کۆتایی بەو گەشتە سەرسوڕهێنەرە بێنم کە تێیدا زۆر کەسی گەورەم ناسی. تۆپی پێ هەمیشە لە خوێنمدا دەمێنێتەوە”.

دیفۆی ٣٩ ساڵ ماوەی ٢٢ ساڵە وەک یاریزانی پیشەگەر لە یاریگاکانی ئینگلتەرا یاری دەکات, زۆرینەی کاروانەکەی لەگەڵ تۆتنهام بووە و جگە لە سپێرز یاری بۆ وێستهام، بۆرنمۆس، پۆرتسمۆز، تۆرۆنتۆ، سەندەرلاند، رێنجەرز کردووە و کۆتا ساڵیشی لەگەڵ سەندەرلاند بوو. لە ئامارە فەرمییەکانیشدا زیاتر ٦٢٤ یاری ئەنجامداوە و ٢٢٧ گۆڵی تۆمارکردووە.