یاریگا-
هاری كەینی ئینگلیزی و ئەستێرەی یانەی تۆتنهامی هەمان وڵات لە ڕیزبەندی گۆڵكارانی پریمەرلیگدا پێش فرانك لامپارد كەوت.
برایتۆن لە یاریگای خۆیدا میوانداری تۆتنهامی كرد و یاریەكەش بە ئەنجامی دوو گۆڵی بێ وەڵام لە بەرژەوەندی یانەی میوان كۆتایی هات ، گۆڵەكانی سپێرز لەلایەن كریستیان ڕۆمێرۆ و هاری كەینەوە تۆمار كران.
بەپێی تۆڕی ئۆپتا كە تایبەتە بە ژمارە و ئامارەكان كەین كۆی گۆڵەكانی لە خولی ئینگلیزیدا گەیاندە 178 گۆڵ و بەوەش پێش فرانك لامپارد كەوت كە خاوەنی 177 گۆڵ بوو.
ڕیزبەندی گۆڵكارانی مێژووی پریمەرلیگ:
- ئالان شیرەر 260 گۆڵ
- واین ڕۆنی 208 گۆڵ
- ئەندی كۆل 187 گۆڵ
- سێرجیۆ ئەگوێرۆ 184 گۆڵ
- هاری كەین 178 گۆڵ
