یاریگا-
یانەی بارسێلۆنای ئیسپانی بەردەوامە لە هەوڵدان بۆ پتەوكردنی ڕیزەكانی بۆ وەرزی نوێ و بۆ ئەو مەبەستەش لەگەڵ یاریزانێكی دیكە گەشتە ڕێككەوتن.
بەپێی زانیاریەكانی جیرارد ڕۆمێرۆ ڕۆژنامەنوسی باوەڕپێكراو و نزیك لە یانە كەتەلۆنییەكە بارسێلۆنا لەگەڵ فرانك كیسێی كۆتدیڤواری و ناوەڕاستكاری یانەی ئەی سی میلانی ئیتاڵی گەشتووەتە ڕێككەوتن.
هەمان سەرچاوە ئاشكرایكردووە كە ڕۆژی ڕابردوو بارسێلۆنا گەشتە ڕێككەوتنی كۆتایی لەگەڵ یاریزانە 25 ساڵانەكەدا.
لای خۆیەوە فابریزیۆ ڕۆمانۆ ئاشكرایكرد موچەی یاریزانەكە لەگەڵ یانە كەتەلۆنییەكە 6.5 ملیۆن یۆرۆیە.
گرێبەستەكەی كیسێ لەگەڵ میلان لەم هاوینەدا بەسەردەچێت و یاریزانەكەش بە خۆڕایی پەیوەندی بە یانە كەتەلۆنییەكەوە دەكات.
