یاریگا–
ئێرلینگ هالاند، هێرشبەری نەرویجی یانەی بورووسیا دۆرتمۆندی ئەڵمانیا لە شاری ماریبای ئیسپانیا خانووەیەکی گرانبەهای کڕیوە.
رۆژنامەی وەرزشی ئاسی ئیسپانی ئاشکرای کردووە، هێرشبەرە لاوەکەی زەردەواڵەکان بەم دواییە خانووەکی بە بڕی 6.5 ملیۆن یۆرۆ لە شاری ماریبای وڵاتەکەیان کڕیوە، ئەمەش دەرخەری ئەوەیە کە یاریزانەکە وەرزی داهاتوو لە لالیگا یاری دەکات.
لەلایەکی دیکەوە سەرچاوەکە ئەوەشی ئاشکرا کردووە، هەفتەی رابردوو هالاند لە یانەیەکی شەوانە لە مەدرید بینراوە و، لە کاتی وێنەگرتنی هاندەرانی شاهانەکان لەگەڵ ئەو یاریزانە، پێیانی گووتووە وەرزی داهاتوو درێسی یانەکەیان لەبەر دەکات.
